ಹೊಸ ವರುಷ

ಕಷ್ಟಗಳ ಸಹಿಸಿ ಬೆಳಕು ಹೊತ್ತು ತಿರುಗಿ,
ಕತ್ತಲೆಯ ಬವಣೆಗಳ ಒಳಗೊಳಗೇ ನುಂಗಿ;
ಸುಟ್ಟು ಮುಕ್ತಿ ಪಡೆಯುವತ್ತ ಸಾಗಿತು....,
ಉರಿದುರಿದು ಆರುತಲಿ ತಣ್ಣಗಾಯಿತು......;
ಹಳತು ಮಾಸಿ ಹೊಸ ವರುಷ ಬಂದಿತು,
ಹರುಷದಲಿ ಹೊಸ ಹುಟ್ಟು ಪಡೆದು ನಿಂದಿತು;
ಬಾವನೆಗಳ ಚೇತರಿಕೆಗಾಗಿ...........,
ಹೊಸ ಚಿಗುರುಗಳ ಅರುಣೋದಯಕ್ಕಾಗಿ...!
ಹಳೆಯ ಕಹಿ ಮರೆಯುತ್ತ ಹೊಸತನವ ರೂಪಿಸುತ,
ಬೆಳೆವ ಗಿಡ ಮರಕೆಲ್ಲ ಜೀವ ಸೆಲೆ ತುಂಬುತ್ತ;
ಹೊಸ ಗಾಳಿ ಮಳೆ ಬೆಳಕು ಎಲ್ಲವನು ನೀಡುತಲಿ,
ಬಂದಿರುವ ಹೊಸ ವರುಷ ಹರುಷ ತರಲಿ.........!